Okan Buruk ayrılıq və transfer məsələləri ilə bağlı açıqlama verib. O, mövsümün sonuna qədər komanda ilə bağlı planlarını paylaşdı və gələcək transferlərə dair fikirlərini açıqladı. O, qış transfer dövrünün çətin keçdiyini və bu müddətdə həm komandanı hazırlamaq, həm də transfer işlərini idarə etmək məcburiyyətində olduğunu bildirib.

Medialoq.az türk mediasına istinadən xəbər verir ki, Kerem Aktürkoğlunun ayrılığına toxunan Buruk, futbolçunun getmək istəyinin çox güclü olduğunu və bu səbəbdən onun ayrılığına icazə verdiklərini qeyd edib. O, Keremin komanda üçün vacib bir parça olduğunu vurğulayıb.

Icardinin zədələnməsindən sonra komandanın oyun planının dəyişdiyini və bu vəziyyətin performansa təsir etdiyini bildirən Buruk, Osimhenin transferi ilə bağlı da fikirlərini bölüşüb. O, Osimhenin alınması zamanı dərhal bu qərarı dəstəklədiyini və bu transferin komanda üçün vacib olduğunu bildirib.

Avropa siyahısında Lemina əvəzinə Cuestanı daxil etməklə bağlı qərarına da toxunan baş məşqçi, Leminanın o dövrdə tam hazır olmadığını və Cuestanı oynadaraq daha uyğun bir seçim etdiklərini qeyd edib.

Buruk, transfer planlamasında diqqətli qərarlar verilməsinin vacibliyini və komandanın gələcəkdə daha güclü olması üçün düzgün addımlar atılmasının əhəmiyyətini vurğulayıb.

Medialoq.az/ Səkinə