Argentina əsilli müğənni Nikki Nikol, avqust ayında Barselona futbolçusu Lamine Yamal ilə münasibətlərini rəsmi olaraq açıqlayıb. Cütlük barədə ilk şayiələr iyulda Yamalın 18 yaş ad günündə birlikdə görüntülənmələri ilə yayılmışdı. Avqustun sonunda isə futbolçu Nikki Nikolun doğum günündə paylaşdığı səmimi foto ilə münasibətlərini sosial mediada rəsmiləşdirib.

Medialoq.az türk mediasına istinadən xəbər verir ki, Nikol, Barselonada iştirak etdiyi bir moda təqdimatında mətbuata açıqlamasında “Çox xoşbəxtəm, çox aşiq olmuşam və ictimaiyyətdən gördüyüm maraq məni məmnun edir” deyib.

Sosial mediada birgə fotolar paylaşmamaları münasibətləri ilə bağlı suallar doğursa da, daha sonra yayılan videolar və mediada əks olunan görüntülər cütlüyün münasibətinin davam etdiyini göstərib.

Medialoq.az / Səkinə Yusifova