ABŞ Dövlət Departamenti, Polşaya ümumi dəyəri 780 milyon dollar olan yeni silah satışını təsdiqləyib. Pentagonun tabeliyində fəaliyyət göstərən Müdafiə Təhlükəsizliyi və Əməkdaşlıq Agentliyi (DSCA) bu barədə Konqresə rəsmi bildiriş göndərib.

Medialoq.az türk mediasına istinadən xəbər verir ki, məlumata görə, sözügedən razılaşmaya 2 min 506 ədəd "Javelin" raketi və 253 buraxılış qurğusunun satışı daxildir. ABŞ tərəfi qeyd edib ki, bu addım Polşanın müdafiə qabiliyyətini daha da artıracaq və ölkənin regional təhlükəsizliyinə mühüm töhfə verəcək.

Medialoq.az / Səkinə Yusifova