Fransaya məxsus olduğu iddia edilən iki kəşfiyyat əməkdaşı Myanmarda ifşa edilib. Yerli mətbuatın yaydığı məlumata görə, Myanma ordusu Fransa vətəndaşı olan şəxsləri saxlayıb. Bu şəxslərin Myanmada fəaliyyət göstərən etnik silahlı qruplaşmalara dəstək verdiyi bildirilir.

Medialoq.az türk mediasına istinadən xəbər verir ki, saxlanılan şəxslərin Myanmada yerləşən Karen Milli Azadlıq Ordusu ilə əlaqədə olduğu və bölgədə Fransa adından məlumat topladığı iddia edilir. Məlumatlarda qeyd olunur ki, sözügedən şəxslər muzdlularla (müzdlü döyüşçülərlə) əlaqə quraraq silahlı birləşmələrə texniki dəstək və təlim veriblər.

Myanma hakimiyyəti məsələ ilə bağlı rəsmi açıqlama verməsə də, yerli təhlükəsizlik qüvvələri bu əməliyyatı Fransa kəşfiyyatının bölgədəki fəaliyyətlərini üzə çıxaran ciddi hadisə kimi dəyərləndirib.

Medialoq.az/ Səkinə