Norveç hökuməti 2025-ci ildə Rusiyanın ölkənin hava məkanını üç dəfə pozduğunu açıqlayıb. Rəsmi məlumatda bu addımın qəsdən atılıb-atılmadığının, yoxsa naviqasiya xətasından irəli gəldiyinin hələlik bəlli olmadığı bildirilib.

Medialoq.az türk mediasına istinadən xəbər verir ki, pozuntular bir neçə dəqiqə – 1-dən 4 dəqiqəyədək davam edib. Bunlar Rusiyanın son on ildən artıq müddətdə Norveç hava məkanında törətdiyi ilk pozuntu hallarıdır. Hadisələrdən ikisi 25 aprel və 18 avqustda Arktikadakı Barens dənizi üzərində, üçüncüsü isə 24 iyulda Norveçin ən şimal bölgəsi olan və Rusiya ilə sərhəd qonşusu Finnmarkda qeydə alınıb.

Baş nazir Yunash Gar Store məsələ ilə bağlı açıqlamasında bunları deyib:

“Bunun qəsdən edilib-edilmədiyini və ya naviqasiya səhvlərindən qaynaqlanıb-qaynaqlandığını müəyyən edə bilmirik. Ancaq səbəbi nə olursa-olsun, bu qəbuledilməzdir və bunu Rusiya rəsmilərinə açıq şəkildə çatdırmışıq.”

Medialoq.az / Səkinə Yusifova