Son illərdə sümük bulyonu sağlam qidalanma trendinin vazkeçilməz hissəsinə çevrilib. Həm dəri, həm immunitet, həm də bağırsaq sağlamlığı üçün faydaları ilə önə çıxan bu içki, düzgün hazırlanıb ölçülü qəbul edildikdə əsl təbii dəstəyə çevrilə bilər.

Medialoq.az türk mediasına istinadən xəbər verir ki, Fitoterapiya mütəxəssisi Dr. Buğra Buyrukçu bildirir:

“Gündə bir stəkan sümük bulyonu suyu immunitet sistemini gücləndirir, bağırsaq divarını bərpa edir və kök hüceyrə fəaliyyətini dəstəkləyir.”

Dermatoloq Dr. Mehtap Kıdır isə onu dəri baxımından belə dəyərləndirir:

“Həftədə iki dəfə içilən sümük bulyonu suyu qırış yaranmasının qarşısını alır və yaşlanma prosesini ləngidir.”

Sümük bulyonu kolagen, glutamin, prolin və minerallarla zəngindir. Bu komponentlər:

1. Sümüklərin və oynaqların güclənməsinə,

2. Bağırsaq florasının sağlamlaşmasına,

3. Dərinin elastikliyinin qorunmasına kömək edir.

Dozaya və sağlamlığa uyğun istifadəyə fikir verin

• Böyüklər üçün: gündə 1 stəkan yetərlidir.

• Uşaqlar üçün: həftədə 2 dəfə 1 çay bardağı tövsiyə olunur.

Lakin bu faydalı içkinin həddindən artıq istifadəsi zərər verə bilər. Doymuş yağ və xolesterol tərkibi yüksək olduğundan:

• Xolesterini yüksək olan şəxslər,

• Ürək-damar xəstəlikləri riski daşıyanlar diqqətli olmalıdırlar.

Sümük bulyonu doğru miqdarda və müntəzəm qəbul edildikdə sağlamlıq üçün dəyərli dəstəkdir. Ancaq “çox içmək daha faydalıdır” yanaşması burada keçərli deyil.

Medialoq.az/ Səkinə