NATO-nun Baş Katibi Mark Rutte, Rusiyaya məxsus sualtı gəminin texniki nasazlıq səbəbilə üzə çıxması xəbərləri fonunda diqqətçəkən açıqlama verib. O, Moskvanın zəifləyən dəniz gücünə eyham vuraraq deyib: “1984-cü il ‘Qırmızı Oktyabr Ovçuluğu’ romanından bu günə çox şey dəyişib. İndi vəziyyət ‘ən yaxın təmirçi axtarışı’na çevrilib.”

Medialoq.az türk mediasına istinadən xəbər verir ki, Rus tərəfi “Novorossiysk” adlı dizel sualtı gəminin Fransa sahilləri açığında beynəlxalq naviqasiya qaydalarına uyğun şəkildə üzə çıxdığını bildirib. Lakin Niderland və Britaniya hərbi dəniz qüvvələri, keçən həftə sualtı gəminin Şimal Dənizində yedəkdə hərəkət etdiyini açıqlayıb.

İngiltərə Kral Donanması və Hollandiya Hərbi Dəniz Qüvvələri 7–9 oktyabr tarixlərində “Novorossiysk”i və onu müşayiət edən ehtiyat gəmini üç gün ərzində izləyiblər.

Bəzi mənbələr sualtı gəmidə yanacaq sızması və partlayış riski olduğunu iddia etsə də, Moskva bunu təkzib edərək, əməliyyatın planlı bir marşrut keçidi olduğunu bildirib.

Medialoq.az / Səkinə Yusifova