Son zamanlar taxta döşəmələr (parketlər) zamanla parlaqlığını itirib solğun görünə bilər. Mütəxəssislərin fikrincə, evdə mövcud olan sadə bir qarışımla parketləri yenidən parlaq və təmiz vəziyyətə gətirmək mümkündür. Bunun üçün sadəcə ağ sirkə və su kifayətdir.

Medialoq.az türk mediasına istinadən xəbər verir ki, bir vedrəyə ilıq su töküb içinə bir çay stəkanı qədər ağ sirkə əlavə edin. Mikrofiber parça ilə bu qarışımı istifadə edərək döşəməni “S” formasında silin. Bu üsul həm parketdəki kir və izləri aradan qaldırır, həm də səthdə təbii parıltı yaradır. Ağ sirkənin dezinfeksiyaedici xüsusiyyəti sayəsində zərərli bakteriyalar da azalır.

Əlavə olaraq, bu üsulda çox su istifadə olunmadığı üçün taxtanın şişməsi və ya deformasiyası riski minimuma enir. Mütəxəssislər bu prosedurun ayda bir dəfə təkrarlanmasını məsləhət görürlər. Əgər istifadə olunan bez yaxşı sıxılarsa, həm parıltı daha çox olar, həm də parket nəmdən zərər görməz.

Nəticə olaraq, sadə bir sirkə-su qarışımı ilə parketlərinizin yenidən günəş kimi parladığını görə bilərsiniz. Həm təbii, həm də uzunömürlü bir təmizlik üçün bu üsul həm effektiv, həm də qənaətcildir.

Medialoq.az/ Səkinə