ABŞ-da hökumətin bağlanması ölkə üzrə aviasiya böhranına səbəb olub. Bu həftə sonu 1700-dən çox uçuşun ləğv edildiyi bildirilib.

Medialoq.az türk mediasına istinadən xəbər verir ki, ABŞ mediasının məlumatına görə, Federal Aviasiya Administrasiyası (FAA)-nın göstərişi ilə 7–9 noyabr tarixlərində planlaşdırılan uçuşlar təxirə salınıb. FAA-nın son açıqlamasında qeyd olunub ki, hava yolu şirkətləri ölkənin ən sıx 40 hava limanından həyata keçirilən daxili uçuşların 4 faizini azaldıb.

Təşkilat xəbərdarlıq edib ki, hökumətin bağlanması davam edərsə, 11 noyabrda uçuşların 6 faizi, 13 noyabrda 8 faizi, 14 noyabrda isə 10 faizi ləğv ediləcək.

Ekspertlər bildirirlər ki, vəziyyətin uzanması hava nəqliyyatı ilə yanaşı turizm, alış-veriş mövsümü və logistika sektoruna da mənfi təsir göstərə bilər.

Medialoq.az / Səkinə Yusifova