"Eldar Mahmudovun göstərişi ilə etmişəm" - Həbsdəki general Mahmudovu ələ verdi

"Eldar Mahmudovun göstərişi ilə etmişəm"
Ləğv edilmiş MTN-in Monitorinq Mərkəzinin keçmiş rəhbəri, hazırda həbsdə olan general Teymur Quliyev istintaq zamanı rəhbərlik etdiyi mərkəzin sahibkarların telefon danışıqlarını nazir Eldar Mahmudovun yazılı icazəsi, habelə idarə rəisi Akif Çovdarovun göstərişi ilə həyata keçirdiyini bildirib

Virtualaz.org xəbər verir ki, general Quliyev Akif Çovdarovun barəsində qaldırılmış cinayət işində şahid qismində dindirilib. Onu sahibkarlar Elşad Abdullayev, Vüqar Əliyev və digərlərinin telefonlarının qanunsuz dinlənilməsi epidozu üzrə dindiriblər.
"Eldar Mahmudovun göstərişi ilə etmişəm"
T.Quliyev bildirib ki, telefonların dinlənilməsi barədə tapşırıq ona rəsmi qaydada, göstəriş vərəqələrində çatdırılıb. Lakin telefonların hansı əsasla dinlənildiyini araşdırmaq və buna icazə verən məhkəmə qərarının olub-olmadığını yoxlamaq onun səlahiyyətində deyildi. Generalın bildirdiyinə görə, həmin sahibkarların telefon danışıqlarının dinlənilməsinin təşəbbüskarı MTN-də Çovdarovun rəhbərlik etdiyi idarənin məsul əməkdaşı Azər Əliyev olub. Və tapşırıq Çovdarovun özü tərəfindən təsdiqlənib. T.Quliyev bildirib ki, mərkəzin əməkdaşları telefon danışıqlarının dinlənilməsinin nəticələrini Çovdarovun idarəsinə təqdim edirdi. Generalın bildirdiyinə görə, telefonların dinlənilməsi nazir Eldar Mahmudovun özünün icazəsi olmadan həyata keçirilə bilməzdi.
"Eldar Mahmudovun göstərişi ilə etmişəm"
Habelə T.Quliyev sahibkar Allahverdiyev Səhrab Mustafa oğlunun telefonlarının dinlənilməsinə dair göstərişi MTN-in idarə rəisi, general Sübahir Qurbanovdan aldığını bildirib.

Monitorinq Mərkəzinin hazırda həbsdə olan əməkdaşı Fərhad Atayev də ifadəsində telefon danışıqlarının dinlənilməsini nazir E.Mahmudovun xüsusi icazəsi ilə həyata keçiriblər. Monitorinq Mərkəzinin digər əməkdaşı Anar Verdiyev isə etiraf edib ki, onların praktikasında telefon nömrələrinin qeyri-rəsmi dinləməyə qoyulması mövcud olub. Və bu barədə tapşırıqları rəisi Teymur Quliyevdən alıb. Verdiyev T.Quliyevin ona azı 10 telefon nömrəsini qeyri-rəsmi dinləməyə qoşmaq barədə göstəriş verdiyini deyib.

Politika.Az



Oxunub: 865


Loading...




Fikirlər


Şərh bildir
(Şərh yazarkən oxucular dini, irqi, milli ayrı-seçkiliyə yol verməməli, insan şəxsiyyətinə toxunacaq qeyri-etik ifadələr işlətməməli, ölkə qanunvericiliyinə zidd çağırışlar etməməlidir. Əks halda belə şərhlər ya redaktə ediləcək, ya da ümumiyyətlə, sayta buraxılmadan silinəcək.)
  • Anons-Reportaj

  • Bölgə xəbəri

  • Rəsmi

  • Oxucu şikayəti

  • Populyar xəbərlər

  • İdman

  • Dünya

  • Ən çox oxunanlar

    Bu gün
    Bu həftə
    Bu ay
    Bu il