“Ünvanlı sosial yardım alan ailələrin sayı artacaq” - Nazir

“Ünvanlı sosial yardım alan ailələrin sayı artacaq”
“İqtisadi sferada baş verən dəyişikliklər sosial sferada da öz təsirini göstərir. Bu proseslər bəzən mənfi istiqamətdə də baş verir. İqtisadi fəaliyyət sferasında olan təşkilatlar, şirkətlər də müəyyən dövrlərdə özlərinin kalkulyasiyalarını həyata keçirirlər, əgər hansısa tariflərə görə mənfi nəticələrlə fəaliyyətini başa vurularsa, təbii ki, bu, onları qane etmir, onlar məsələ qaldıraraq mövcud xərclərini qarşılamaq üçün öz tariflərini artırmaq barədə gündəmə məsələ qoyurlar. Buna uyğun olaraq Tarif Şurası məlum qərarı qəbul edib”

“APA-Economics” xəbər verir ki, bunu əmək və əhalinin sosial müdafiəsi naziri Səlim Müslümov bildirib.

Nazir bildirib ki, müvafiq qərar qəbul olunmazdan öncə bu qərarın aztəminatlı ailələrə minimum təsir göstərməsi ilə bağlı daxili müzakirələr aparılıb: “Tarif şurası buna çox gözəl reaksiya verdi və minimum istehlak səbətinə uyğun olaraq istehlak həcmində tariflərin artırılmaması ilə bağlı qərar qəbul etdi. Əlbəttə, tariflərin artırılması aztəminatlı təbəqəyə öz təsirin göstərər bilər. Bunu nəzərə alaraq növbəti ilin büdcəsində qiymətin artımına uyğun olaraq pensiyaların indeksləşdirilməsi üçün 127 milyon manat nəzərdə tutulub və bu addım atılacaq. Eyni zamanda bütün digər kanallarla da əhalinin aztəminatlı təbəqəsinə verilən maliyyə vəsaitlərinin artırılmasına uyğun olaraq bizim tərəfimizdən təhlillər aparılıb. Ehtiyac meyarının 105 manatdan 116 manata qaldırılması planlaşdırılır. Hazırda Milli Məclisdə bu məsələ müzakirə olunur. Təkcə bu tədbir nəticəsində ünvanlı sosial yardım alan ailələrin sayı 18 minə yaxın artacaq. Eləcə də hər bir ailənin aldığı vəsaitin həcmi artacaq. Məsələn, 4 nəfərlik ailədə bu artım 44 manat olacaq. Tariflərin artmasından ailələrin çəkə biləcəyi zərəri bu yolla kompensasiya etməyə çalışacağıq”.

Politika.Az



Oxunub: 706


Loading...




Fikirlər


Şərh bildir
(Şərh yazarkən oxucular dini, irqi, milli ayrı-seçkiliyə yol verməməli, insan şəxsiyyətinə toxunacaq qeyri-etik ifadələr işlətməməli, ölkə qanunvericiliyinə zidd çağırışlar etməməlidir. Əks halda belə şərhlər ya redaktə ediləcək, ya da ümumiyyətlə, sayta buraxılmadan silinəcək.)
  • Anons-Reportaj

  • Bölgə xəbəri

  • Rəsmi

  • Oxucu şikayəti

  • Populyar xəbərlər

  • İdman

  • Dünya

  • Ən çox oxunanlar

    Bu gün
    Bu həftə
    Bu ay
    Bu il