Azərbaycanda dollar 2 manatda saxlanılsın - Optimal kurs

Azərbaycanda dollar 2 manatda saxlanılsın
Azərbaycan iqtisadiyyatının inkişafı ilə bağlı hazırlanan Strateji Yol Xəritəsində 2017-ci ildə manatın "tam üzən məzənnə"yə keçirilməsi nəzərdə tutulsa da, buna heç bir ehtiyac yoxdur

Politika.Az
xəbər verir ki, "Report"un analitik qrupu hesab edir ki, milli valyutaların devalvasiyası və ya "üzən məzənnə" kimi devalvasiya xarakterli üsullara əl atılmasının səbəbi tədiyyə balansında yaranan təzyiqlərlə bağlıdır. Yəni, ölkəyə daxil olan və ölkədən çıxan valyuta həcmlərinin arasındakı fərqin ikincinin lehinə yaratdığı valyuta qıtlığıdır. Azərbaycanda isə bu qıtlıq artıq iki rübdür ki, aradan qaldırılıb. Azərbaycan Mərkəzi Bankının (AMB) rəsmi statistikasına əsasən, 2016-cı ilin II rübündə tədiyyə balansı 18 mln. dollar, III rübündə isə 63 mln. dollarlıq profisitlə tamamlanıb. Yəni, ölkənin valyuta ehtiyatları III rübdə 63 mln. dollar artıb.

"Tam üzən məzənnə"yə keçid baş tutarsa, Azərbaycanın idxalı bir qədər də azalacaq və tədiyyə balansının profisiti neftin cari qiyməti sabit qalmaq şərti ilə artmağa davam edəcək. Lakin bu, ölkədə ticarət fəallığının zəifləməsinə, iş adamlarının valyuta məzənnəsi ilə bağlı düzgün proqnoz verə bilməməsi nəticəsində durğunluq mərhələsinə gətirib çıxaracaq. Nəticədə, iş yerlərinin sayı azalacaq, icarə haqları və ticarət obyektlərinin qiyməti aşağı düşəcək.

"Report"un analitikləri hesab edirlər ki, neftin cari qiyməti ilə dolların məzənnəsinin 2,00 AZN/USD səviyyəsi hazərda məqbul sayılır. Bu səviyyədə məzənnəni sabitləşdirməklə iqtisadiyyatın yenidən aktivləşməsinə, yerli valyutada kreditləşmənin bərpasına nail olmaq mümkündür. Neft qiymətlərinin azalması durumunda isə yenidən məzənnənin korreksiyası gündəmə gələ bilər. Belə ki, "tam üzən məzənnə" rejimi tətbiq olunsa, onsuz da neft qiymətlərinin azalması manatın devalvasiyasını sürətləndirəcək.

Politika.Az



Oxunub: 2329


Loading...




Fikirlər


Şərh bildir
(Şərh yazarkən oxucular dini, irqi, milli ayrı-seçkiliyə yol verməməli, insan şəxsiyyətinə toxunacaq qeyri-etik ifadələr işlətməməli, ölkə qanunvericiliyinə zidd çağırışlar etməməlidir. Əks halda belə şərhlər ya redaktə ediləcək, ya da ümumiyyətlə, sayta buraxılmadan silinəcək.)
  • Anons-Reportaj

  • Bölgə xəbəri

  • Rəsmi

  • Oxucu şikayəti

  • Populyar xəbərlər

  • İdman

  • Dünya

  • Ən çox oxunanlar

    Bu gün
    Bu həftə
    Bu ay
    Bu il