Deputatdan şok açıqlama: “Martın sonuna vitse-prezidentlər təyin olunacaq” - ÖZƏL

 “Martın sonuna vitse-prezidentlər təyin olunacaq”
“Martın sonuna kimi vitse-prezidentlərin təyinatı baş tutacaq”

Bu sözləri Politika.Az-a parlamentin iqtisadi siyasət, sənaye və sahibkarlıq komitəsinin üzvü Vahid Əhmədov deyib.


Deputatın sözlərinə görə, prezidentin müvafiq hüquqi aktların layihələrinin hazırlanması barədə Nazirlər Kabinetinə verdiyi vaxt martın sonunda başa çatır: “Vitse-prezidentlərin təyinatı prezidentin səlahiyyəti daxilində olan bir məsələdir.

Bunun nə vaxt baş verəcəyini də yalnız prezident müəyyən edir. Ancaq bilirsiniz ki, sentyabrda ölkədə referendum yüksək səviyyədə keçirildi.

Nəticələr məlum olduqdan sonra oktyabrda prezident Referendum Aktının qüvvəyə minməsi ilə əlaqədar müvafiq hüquqi aktların layihələrinin hazırlanması barədə Nazirlər Kabinetinə 6 ay vaxt verib.

Səhv eləmirəmsə, bu vaxt martın axırı sona çatacaq. Yəqin ki, təyinatlar da o vaxta qədər müəyyən olunacaq. Ancaq bu səlahiyyət yenə də prezidentin səlahiyyətində olan bir məslədir”.

Xatırladaq ki, mətbuatda bu ayın sonuna kimi Azərbaycanda vitse-prezidentlərin təyinatının olacağı barədə xəbərlər yayılıb.

Qeyd olunur ki, artıq son Konstitusiya dəyişikliyindən sonra Nazilər Kabineti və Prezident Administrasiyasında müvafiq hüquqi sənədlərin hazırlanması prosesi artıq başa çatıb.

Vitse-prezidentlərin kimliyinə gəlincə, ortada bir neçə şəxsin namizədliyinin olduğu deyilir. Onlar arasında baş nazirin müavinləri Əli Həsənov və Əli Əhmədovun adı çəkilir.

Politika.Az



Oxunub: 7664


Loading...




Fikirlər


Şərh bildir
(Şərh yazarkən oxucular dini, irqi, milli ayrı-seçkiliyə yol verməməli, insan şəxsiyyətinə toxunacaq qeyri-etik ifadələr işlətməməli, ölkə qanunvericiliyinə zidd çağırışlar etməməlidir. Əks halda belə şərhlər ya redaktə ediləcək, ya da ümumiyyətlə, sayta buraxılmadan silinəcək.)
  • Anons-Reportaj

  • Bölgə xəbəri

  • Rəsmi

  • Oxucu şikayəti

  • Populyar xəbərlər

  • İdman

  • Dünya

  • Ən çox oxunanlar

    Bu gün
    Bu həftə
    Bu ay
    Bu il