Oğul Rusiyadan anasına dollarla pul göndərir, burada banklar vermir - Video

Oğul Rusiyadan anasına dollarla pul göndərir, burada banklar vermir
Gəncədə yaşayan qadın oğlunun Rusiyadan gödərdiyi pulları bankdan ala bilmir

Dollarla bağlı daha bir problem ortaya çıxıb. Dollar satmayan banklar xaricdən köçürülən dollarla olan vəsaiti də sahibinə ödəməkdən boyun qaçırırlar.
Bu hadisə Gəncə sakini İradə Quliyevanın başına gəlib. Qadın övladının xaricdən dollarla göndərdiyi pulu bankdan ala bilmir.

Rusiyada yaşayan iki oğlu, mütəmadi olaraq analarına pul göndərirlər. Lakin qadın son bir bir neçə aydır ki, dollarla göndərilən pulları bankdan götürə bilmir.
İradə Quliyeva Gəncədə yerləşən bir çox bankda eyni mənzərənin müşahidə olunduğunu deyir. Onun sözlərinə görə, bankların bu cür addım atması insanların pulunu göz görə-görə mənimsəməkdən başqa bir şey deyil.

Ekspert Anar Ramazanov bildirir ki, bankların belə addım atmasına səbəb dollar qıtlığının yaranmasıdır. Ancaq bu heç də banka pul köçürmələri ilə bağlı öhdəliyini icra etməmək səlahiyyəti vermir. Bankın həmin qadına qarşı etdiyi açıq-aydın bank qanunvericiliyinin tələblərinin pozulmasıdır. Mütəxəssisin sözlərinə görə, əgər hansısa vətəndaş xarici ölkədən göndərilən pulu bankdan ala bilmirsə, bu zaman Maliyyə Bazarlarına Nəzarət Palatasına müraciət edərək öz hüququnu bərpa edə bilər.

Onu da qeyd edək ki, banklar hansı beynəlxalq pul köçürmə şirkətləri ilə müqavilə bağlayıblarsa, deməli pul vəsaitinin göndərilən valyutada çatdırılmasına dair öhdəlik götürüblər.



Politika.Az



Oxunub: 1420


Loading...




Fikirlər


Şərh bildir
(Şərh yazarkən oxucular dini, irqi, milli ayrı-seçkiliyə yol verməməli, insan şəxsiyyətinə toxunacaq qeyri-etik ifadələr işlətməməli, ölkə qanunvericiliyinə zidd çağırışlar etməməlidir. Əks halda belə şərhlər ya redaktə ediləcək, ya da ümumiyyətlə, sayta buraxılmadan silinəcək.)
  • Anons-Reportaj

  • Bölgə xəbəri

  • Rəsmi

  • Oxucu şikayəti

  • Populyar xəbərlər

  • İdman

  • Dünya

  • Ən çox oxunanlar

    Bu gün
    Bu həftə
    Bu ay
    Bu il