Ürək tutması ürəyə qan axınının kəskin dayanması ilə meydana gələn həyati təhlükəli vəziyyətdir. Bu xəstəlik qadınlarda və kişilərdə fərqli simptomlarla özünü göstərə bilər.

Medialoq.az türk mediasına istinadən xəbər verir ki, 2003-cü ildə ürək tutması yaşamış 500-dən çox qadın üzərində aparılan tədqiqatda onların çoxunun ürək tutmasından əvvəl aşağıdakı əlamətləri yaşadığı məlum olub:

• Aşırı yorğunluq

• Yuxu pozğunluğu

• Nəfəs darlığı

Bundan başqa, yalnız dörddə biri döş ağrısından şikayət edib. Qadınlarda erkən görülə biləcək digər simptomlar isə bunlardır:

• Başgicəllənmə

• Çənə və boyun ağrısı (adətən döş ağrısı olmadan)

• Arxa yuxarı hissədə ağrı

• Döş qəfəsində sıxılma hissi

• Mədə bulantısı və ya qusma

• Mədə yanması və ya həzm pozğunluğu

• Əllərdə uyuşma və ya qarıncalanma

Kişilərdə isə əlavə olaraq ani soyuq tər çıxması müşahidə olunur. Mütəxəssislər qeyd edir ki, bu simptomlar digər sağlamlıq problemlərinə də işarə edə bilər və onları birbaşa ürək tutması ilə əlaqələndirmək düzgün deyil.

Medialoq.az / Səkinə Yusifova