Cənubi Koreya paytaxtı Seulda ötən il dünyaya gələn hər 6 körpədən biri süni mayalanmanın köməyi ilə doğulub. Ölkədə doğum səviyyəsi davamlı azalaraq 2023-cü ildə qadın başına 0,72 körpə ilə ən aşağı səviyyəyə çatıb, 2024-cü ildə isə azacıq artaraq 0,75-ə yüksəlib.

Medialoq.az türk mediasına istinadən xəbər verir ki, süni mayalanma müalicəsinə tələbat 2018-2022-ci illər arasında 50 faiz artaraq 200 minə yaxınlaşıb. Ekspertlər, bu vəziyyətin əsas səbəbinin ailə planlaması barədə dəyişən düşüncə tərzi olduğunu bildirir.

Cənubi Koreyada hər beş nəfərdən biri 65 yaş və üzərindədir, sosial və iqtisadi amillər gəncləri uşaq sahibi olmaqdan çəkindirir. İlk uşağın doğulma yaşı orta hesabla 33,6 ilə dünya üzrə ən yüksək səviyyədədir.

Beynəlxalq ekspertlər əgər bu tendensiya davam etsə, 60 il ərzində ölkə əhalisinin yarıbayarı azalacağını xəbər verir.

Medialoq.az / Səkinə Yusifova