Çinin Şanxay şəhərində keçirilən əməliyyat zamanı 1,7 milyon dollar dəyərində 5 min saxta Labubu oyuncağı aşkarlanaraq götürülüb. Polis əməliyyatı, bir alıcının internetdən aldığı oyuncağın saxta olduğunu Pop Mart şirkətinə bildirməsindən sonra başlayıb.

Medialoq.az türk mediasına istinadən xəbər verir ki, araşdırma nəticəsində saxta məhsulların satış mərkəzi kimi fəaliyyət göstərən onlayn mağaza müəyyən edilib, əməliyyat zamanı səkkiz nəfər saxlanılıb. Rəsmilər Pop Mart etiketlərinin və təhlükəsizlik bandrollarının da saxtalaşdırıldığını bildiriblər.

Rihanna və Dua Lipa kimi məşhurların çantalarında da görülən Labubu oyuncaqları son dövrlər dünya miqyasında böyük populyarlıq qazanıb. Şirkət, müştəriləri yalnız rəsmi satış kanallarından almağa çağırıb.

Medialoq.az / Səkinə Yusifova