Pakistanın Gilgit Baltistan bölgəsində şiddətli yağışların səbəb olduğu sel və sürüşmələr ciddi itkilərə yol açıb. Sel nəticəsində dağılan su kanalını təmir etməyə çalışan könüllülər torpaq altında qalıb. Polis və xilasetmə komandaları 7 könüllünün meyitinə çatıb, 7 nəfər isə yaralı olaraq xilas edilib.

Medialoq.az türk mediasına istinadən xəbər verir ki, bölgədə davam edən güclü yağışlar səbəbindən bəzi avtomobil yolları da bağlanıb.

Pakistan Milli Fəlakət İdarəsi (NDMA) 26 iyundan etibarən ölkədə baş verən sel və leysanlarda 140-ı uşaq olmaqla 299 nəfərin həlak olduğunu, 715 nəfərin isə yaralandığını açıqlayıb.

Medialoq.az / Səkinə Yusifova