Cənubi Koreya hökumətinin ABŞ-la tarif danışıqlarında ölkənin mal əti və düyü bazarlarını güzəşt mövzusu etməyəcəyi iddia olunub. Rəsmilər bu sahələri “qırmızı xətt” adlandırıb və onların ərzaq təhlükəsizliyi baxımından həssas olduğunu vurğulayıblar.

Medialoq.az türk mediasına istinadən xəbər verir ki, bunun əvəzinə Seul, bioetanol istehsalında istifadə edilən bəzi kənd təsərrüfatı məhsullarının idxalını artırmağı nəzərdən keçirir. Vaşinqton isə 30 aydan yuxarı yaşlı ABŞ mal-ətinin idxalına qoyulan qadağanın aradan qaldırılmasını və ABŞ düyüsünün idxalının artırılmasını tələb edir.

Tərəflər idxal tarifləri və sektor vergilərinə dair razılaşmalar əldə etməyə çalışsa da, kənd təsərrüfatı əsas mübahisə nöqtəsi olaraq qalır.

Medialoq.az / Səkinə Yusifova