Zeyd Döyüş Mərkəzinin təşkilatçılığı ilə Azərbaycan Respublikasının Prezidenti, Müzəffər Ali Baş Komandan cənab İlham Əliyevin doğum gününə həsr olunmuş MMA üzrə peşəkar turnir keçirilib.

20 dekabr tarixində “Sərhədçi” İdman Kompleksində baş tutan turnir Azərbaycan MMA və Qrapplinq Federasiyasının dəstəyi ilə yüksək təşkilati səviyyədə təşkil olunub və idman ictimaiyyətinin böyük marağına səbəb olub.

Yarış çərçivəsində 11 peşəkar döyüş keçirilib. Qarşılaşmalar gərgin və maraqlı mübarizə şəraitində keçib. Turnirin sonunda qalib idmançılara kuboklar, təltifnamələr və pul mükafatları təqdim olunub.

Tədbirdə çıxış edən Azərbaycan MMA və Qrapplinq Federasiyasının prezidenti Azad Əsgərov turnirin əhəmiyyətini vurğulayıb, yarışın yüksək səviyyədə təşkilinə görə Zeyd Döyüş Mərkəzinə təşəkkürünü bildirib və idmançılara uğurlar arzulayıb